تنسيقي من ستراديفاريوس ❤️❤️

السلام عليكم ورحمه الله ❤️❤️

بعد انقطاعي الي طول ..  حبيت ارجع لكم بنوع مختلف عن روتيني بالشغل الي هو بس مكياج وعنايه كالعاده اتكلم فيهم بس

هالمرا حبيت ادخل شي مختلف بما انكم طلبتوه شكثر ع التنسيقات .. وعالعموم شنو م احط من ذوووقي ممكن م يعجبج او مجرد تاخذين فكره ..❤️

يعني لولا اختلاف الاسواق لبارت السلع وهذي بتكون اول تدوينه لي بالفاشن والله يستر:) 

❤️❤️خلوني ابلشش بالموضوع🙈

موضة هالسنه والدارج القميص الطويل شكثر منا م يحب هالقصه عشان تطلع الوحده سنفوره

بس هي كل وحده وشطارتها وتنيسقها انا صراحه طولي ١٦١ واول م شفتها م تأزمة بطولي :)

لانها عاجبتني حيييل وستايل مختلف تدرون م عجبتني بالمحل انهم مخلينها بدون ربطه يعني مثل موديل البنجابي

لما رجعت البيت ربطتها وطلع شكلها كييييوت حيييل وذرب 

نوووع لقماش عجزت اوصفه يمكن انه من نوع الشيفون الثقيل... 

لونه عالزيتي الاخضر هاللون يعتبر من الاللوان الاكثر جراءه

شوفوا شلون شكل الربطه من بعيد شوي وما عليكم من حوسة الكبت (الدولاب) والي فوقه :)

الربطه حسيت عطى شكل احلى وغير بستايل التركيبه كلها لان لو خليتها سيده ولا ربطتها 

تخيلوا الشكل شلون يطلع احس عادي جدا

نسقت معه عقد من فوريفر٢١ حبيت اكسر اللون وادفش بالموديل بما ان القطعه ساده

شوفوا تشقق الجينز مو افور ولا هو الي فاصخ حيل حيييل بالمعقول ؛)  ،،،

ومن نوع لقماش نفسه مبين لكم انه مرقع من كذا قماش حلوووو

انا من النوع احب اللقينز اكثر من الجينز لاني اتعب على ماالقي شي مريححح

ف يوم جربة جينزاتهم والله والله ي بنات عجيييبه حيل وحق كرف 

شكله من ورا هو تحت الركبه لا يغركم انه طول الجينز لاني انا ماخذه الجينز نوع ميدي

يعني الطول المحير وكافسه منه بعد عشان ان لبسته احط (خلخاال او حجل ) 

حبيت الكسره المخفيه عطة القطعه اكثر ذرابههه احب ادق التفاصيل 

وكنت حابه اركب معه شوز سبورتي ابيض بس للاسف م لقيت مقاسي عندهم مخلص :(

بس رجعت البيت متحطمه وتذكرت شوز توري بورش اسود كاسر للون عالتركيبه كلها 

عالبس شكله كااجوال بس للاسف مو موريح من ورا يحك بالجلد:( يعني مو عملي مثل م شكله

معطيني انه عملي يوم مشيت فيه فترا طويله كرهت نفسي الله وكيلكم بغيت احبي ع ركبتي مثل الجاهل :)) 

بالسوق قرادت حظي ماخذته معاي بالسفره ولا اخذت غيره 

واخر صوره حبيت ابين لكم الشكل النهائى

القميص سعره١٢دينار وشي بسيط  بالسعودي حول ١٧٥ مو ذاكره الاسعار زين

وسعر الجينز ٢١ دينار كويتي بالسعودي ٢٠٠ وشي 

وسعر الشوز من توري بورش فوق ١٠٠ دينار صاره فترا عندي مو ذاكرته زين بالسعودي حوالي فوق ١٥٠٠

 واتمنا لو افدتكم بشي بسيط :) لاتنسون تعطوني رايكم 

انستقرامي .. sanona_bloog

سناب شات .. sanona_bloog 

منتجات ألفأ

بسم الله الرحمن الرحيم

سوبق وتكلمت عن المجموعه الي اوصلتني من شركة الفأ من هالجميله @makeup4u55

طبعاً راح اختصر لكم الكلام كالعاده م احب الكلام الطويل 

الايلاينر هذا قوامه كريمي حيل حلو

وينشف بسرعه ثباته بصراحه م توقعت هالشي

وحبيت لونه اسووود كاتم 

والحلو انه ضد الماي👌

هالجل للحواجب الي عاليمين بودر ترا مو جل مثل الي عاليسار

هم حلو مقارب لباودر الحواجب من بودي شوب

طبعا ليش لونين مع بعض وكلهم فاتحين

الي عاليمين بودر واليسار جل

بالاول تحطين الجل وتثبتينه فالباودر

يعطيج شكل طبيعي 👌

light اسمه

الاضاءه حلوووه بشكل خورافي حتى خواتي حبوها

ريحتها برتقال👌👌ومافيها لمعه فيها لون صدفي هذا اللون الي انا ادور عليه من بين الاضاءات الباقيه

lilac petal اسمها

هالباليت مجموع بالبلاشر وكنتور لونين واضاءه

اول ثلاث اللوان خفيفه هذا ونا كذا مرا اعيد عليه اما الي عاليسار اخر شي تحت مومبين حتى بالتصوير الي هو الاضاءه 

الي عندي بدرجة الbronz

هالروج لونه طبعاً لوني المفضل اكيد بيعجبني 

بس ثباته يعني مو ذاك الزود ويبي لكم بين كل  ساعتين تعيدون عليه بس فيه فيتامينات a.c.e 

اسمها

natural 

نوعها

matte

هالفونديشن من مفضلاتي الي مستحيل استغنى عنه

لو شنووو يصير ماراح الاقي مثله ابد ابدددد

لونه طبيعي 

ثباته روعهههه

قوامه وسططط

توزيعه سهل ملمسه ناعم حيييل

اسمه

buff

مسكرت الحواجب هذي نص اللون البني بعد م حطيتها حلوه ولما انشفت طلع فيها شوي لمعه 

انا ماتقبلت ان حواجبي تلمع😂 

بس بشطارتي طبطبت عليها فالباودر لون بني

والشفافه الجزئ الثاني حلوووه حيل وتعطي شكل مرتب للحاجب اول شي تستخدمين الشفاف وبعده اللون البني 👌

لون الي عندي

dark

تكلمت بالسناب عنها عجيبه تكفي منديل واحد للوجه بالكامل 

الحلو فيها زيوت الفيتامينات

ولما رحت بغسل وجي لازم قبلها ابلل وجهي فالماي لما بديت اوزع الماي ع وجهي اكتشفت ان كريمي ! رحت قريت الفلسفه الي عليها طلعت فيها نسبة ترطيب كريميه عجيييبه👌

مكونه من زيت الصويا

واللوز وجوز الهند

عجبني تغليفه م يدخله هوى 👌👌

واتمنا شرحي البسيط فادكم لو شوي بس 

منتجات كوريه من شركة قيقا

مساء الخير عليكم حبايبي 

 اول شي حابه اتكلم عنه هو فرنك نوع الي وصلني بالكوكونت مع بذور العنب 

ترطيبه حلووو وريحتهه عجيبه تحسين 

بسترخاء انا بعد م اغسل جسمي او وجهي بأي غسول عادي احطه واوزعه ع بشرتي واسوي مساج لها 👌👌

فوايدها تشيل الندوب وحب الشباب وتشيل السيلوليت  وتشد الجسمم وتخفف

من السترتيش مارك الحمرا والبيضه يعني تشقوقات الجسم 

بشكل ملحوظ وبسرعه يبين مفعوله خلال اسابيع

ترا اهي عباره عن سنفرة قهوه 

وفي منها انواع بالكاكاو وغيره وحق البشرا

الحساسه والعاديه الحلو فيها ان مكونتها طبيعيه

يعني مامن خوف منها بأذن الله وتنفع للاطفال

وللكبار وتنفع حق الي فيها اكزيما

لازممم تجربونهااا عجيييبه ولا بيطوف كل وحده فيكم م جربتها

وع فكره عادي للاستخدام اليومي

هالصابونتين غرامي صاروا😭😭

عجيبااات م توقعت مفعولهم جذيه

وحده للنهار والليل فوايدهم ع بشرتي

حلووو تصكر المسام بشكل ملحووظ

وتنعم البشرا وتصفيها ومن اول استخدام بتحسين بشرتج نظيفه من قلب👌ومشدوده

ماسك الشفايف للامانه م حبيته ولانفع لشفايف

اول مااستخدمته قرص شفايفي تقريص :"( لعن خير خير👌 ممكن هالماسك م نفع لي ممكن ينفع لج 

ماسك الهالات السوده عجيييبه تعطيج راحه

لأبعد الحدود انا مافيني هالات ي رب لك الحمد بس حبيتهاااا عموماً ترطيب هالمنطقه احس شي صعب

نادر في شي يليق لها 

هالمقشر ع جل يجنن اول شي حسيت اني غبيه م فهمت له

ويوم شفت كذا كوريه تستخدمه وفعلاً يقشر بثواني

رووووعهههههه مفعوله وربي ماتوقعت منه هالشي 

حتى يخلي الجلد يلمع يلق لاقق👌👌

الصوره من النت مو لي بس عشان ابين لكم شلون لما يقشر 

ماسك الوجه 

مغذي للبشرا بعد استخدامي له احس وجهي مشرق < عاد الله والتعبير الي علي طووفوو

بس والله صجج الفيتامين الي فيه عجبني للبشرا

كانت طالعه لي حبه بوجهي واختفت بعد هالماسك

عاد تحسفت م قريت مكوناته 😭 قبل لا اقط الكيس حقه بس خوووش 👌ماسك 

النتفه هذا بعض منكم مو مالي عينه تدرون احس مفعوله احسن واطلق من الكبير ترطيبه يبقى يومين اقل شي هذا بزبدة اللوز اتعب ونا اقول روعهههه وربي الي بتاخذ منه نصيحه مني اخذي درزن اقل شي احس بتدمنون عليه مثلي👌

واخر شي الي عاليمين مرطب سايل للبشرا 

يحميها من التجاعبد بعد استخدام لفترا طويله يقولون يشد البشرا

ويعطي انه اصغر من عمرج  << ونا اشوف الكوريين م يكبرون شيابهم 

الي عاليسار تونر للبشرا هم منظف للمسام 

يحمي بشرتج من اي مواد كيميائيه

هالمنتجات الكوريه من شركه قيقا

حسابهم بالانستقرام 

@GIGA_CART

ولهم موقع خاص بنفس الاسم 

تجهيزات العروس

  بسم الله الرحمن الرحيم 

اول شي ماراح احط عن حجوزات المطلوبه مثل القاعه او الكوشه لان تفرق بين العوايل بعض المعرس عليه وبعض العروس عليها ف خلوني في مطالبها الي تحتاجها بس 

راح ابتدي بملابس البيت 

اقمصه قطنيه تكون طويله 

واقمصه قطنيه قصيرا

اطقم من الشورتات هم حلو تاخذين قطنيه

تنانير قصيرا وطويله حسب الي تحتاجينه

تي شرتات منوعه + بناطلين

وفساتين قصيره وطويله

ملابس الداخليه

ملابس خفيفه ومريحه للنوم

وملابسه اطقم  للطلعه والمناسبات

وهم اخذي للبيت مريحه انفراديه

وافضل الاطقم الفخمه الدانتيل المشغول

من لاسنزا + نعومي + + البي اتش

للمعلوميه عالسريع

لاسنزا للمقاسات الصغيرا وشانتيل للمقاسات الكبيره

وفي اشياء حلوه ومو ماركه وجودتها عاليه

واقضل شي لشد الصدر هي اسمها PUSH UP

موجوده بأي محل واذا تبون بالتحديد

ماركس اند سبنسر

ملابس النوم 

ارواب اطقم بعد 

وقمصان طويله وقصيرا

بجايم حراير وقطنيه 

مثل المحلات الي توفرها 

فكتوريا سيكرت 

ونجي عند ملابس الطلعه

كثري من الملابس الجاهز وخيطي هم جم وحده الي تحسين تكفيج ولاتكثرين من الخياطه وحلو بدله للصباحيه حق ثاني يوم وثانيه احتياط بس

وملابس لزوارات شكلي من الدراريع " جلاابيات " تحتاجينهم وقت استقبال احد وتنانير مع اطقمها الفخمه والبلايز العاديه والجينز 

ننتقل لذهب 

لاتكثرين منه عموماً راح تجيج هدايه 

اخذي لج جم طقم من الالماس اتوقع ٢ كافي والذهب الاصفر 

٥ وذا كنتي من محبين الذهب كثري بالي يحبه قلبج 👌

وحلو وقت الصباحيه تلابسين واحد من النواعم الي بتاخذينه من الذهب وتلابسينه مع ساعه وسواره وخاتم 

الشنطططط ياعشقي لهم 

اخذي من الماركات بالشناط ٦ مثل ماركات الي اسعارهم معقوله 

مثل مايكل كروس جوتشي فندي وترا يسون عروض عليهم كوني مفتحه عيونج صحح

ولاتنسين اهم شي طقم وقت تجهيزج مع شنطة الذهب والمكياج

اغراض الحمام ونتوا بكرامه 

طقم روب + فوط بالعدد الي تحبين

شامبوهات + صوابينج الي تحبينهم

واذا كنتي مومسويه ليزر معني انصح بالليزر احسن

بس هذا الشي وقت الحاجه الي هو شفرات الحلاقه مع رغوة التوت يمدحونها

مريم حمام زيت

كريم صنفرة

اسكينول منظف للبشرا

فرشة + معجونها الاسنان

ولوشنات الجسم 

من محلات فكتوريا

ماركس اند سبنسر

بودي شوب

باث اند بودي

ولاتنسون بعد م تفرشين تستخدمين غسول ومطهر للفم

وغسولات للمنطقه الحساسه في انواع وشكال بالصيدليات ونزلت انا الي استخدمه بالانستقرام 

ولاتنسون مسك الطهاره الابيض او الاسود الي تحبون من العربيه للعود احسن شي او حامل المسك

ومقصات ومبارد اظافر

فوط صحيه + فوط الاستخدام اليومي

اعواد قطنيه + فازلين + مشط للشعر

الشوز او الحزم

شوزات انيقه للبيت

وشوزات للطلعه

وشوزات تركيبه ع ملابسج

وشوز للحمام • ونتوا بكرامه •

العطور

شكلي جم عطر فرنسي

والعود من العربيه للعود

او اجمل و حامل المسك

ومسك لزج حلوه ريحته من عبدالصمد القرشي

وهم الماجد للعطور اسعارهم معقوله

المفارش

بالنسبه لي يكفون ٣ لان راح تجيج هم هدايه

واختاري الي تبين سوا من محلات او من الانستقرام 

في تشكيلات حلوه

المكياج 

الاساس ثقيل للمناسبات مثل ديور

واليومي مثل برجوا

والباودر المضغوطه مثل ماكس فاكتر 

مثبت مكياج من ماك اسمه بلس

والترطيب قبل المكياج من كلينك

والاضاءه من ميك اب فورايفر

والكونسيلر من ايف سان لوران

قلم الاي لاينر الجاف من ماك

والاي لاينر السايل من ذبالم

وبلاشرات تختلف من ماك وبنفت 

والارواج ماك وفورايفر هم حلوين ارواجهم

الاجهزه

خلي الاحتياط عندج جهاز البخار للشعر بحيث اذا مقابل وجهج ٢٤ ساعه ووقت م يطلع تحطين زيت ع شعرج البخار هذا بنص ساعه يعطي نتايج حق يوم ولاتنسين استشوار الشعر + الويفي + السراميك

ومكواة البخار 

والة ازالة الشعر مثل احسن شي براون

اخر شي لاتنسين معطر المفارش والدوالايب وسجادة الصلاه مع طقمها ومصحف صغير وقت فراغج ونتي طالعه برا البيت تقرين فيه بسيارا او الطيرا

واعذروني ع لقصور واتمنا استفدوا لو بشي بسيط بعض من تجمع النت 

يوم تخرجي🎓

السلام عليكم ورحمة الله وبركاته ❤️❤️

الحمدلله بيومين قدرة اخلص تدوينه الي طلبتوها مني بوقت ضيقق وماكنت مرتبه لها ولازم اني استعجل فيها والسبب ان الايام حقت تخرجكم متفاوته يعني الي تخرجها الثلاثاء والي الاربعاء والي طاف 😩

كنت حابه انها تستفيد من هالبوست لو شوي😭😭

بس ان شاءالله البنات الباقين يستفيدون لو بشي بسيط 

1/ تجهزين نفسج قبل التخرج بيوم يعني تحطين ع شعرج اي نوع من الزيوت الي تفضلينها عشان يبقى يلمعه وشكله حيوي وبعد ماتستخدمين الشابوا لاتنسين بعده الحمام زيت 

2 / نجي عند الوجه استخدمي ماسك جاهز او طبيعي والافضل انه يكون طبيعي اكثر وتكون بشرتج متعوده عليه عشان لاسمح الله  مايكون اول مرا تجربينه يهيج لج البشرا وبعد ماتغسلين من الماسك لاتنسن الترطيب مهم وترطيب الشفايف بعد عشان يكون وجهج جاهز وصحي للميك اب 

3 / ننتقل عند الجسم استخدمي حمام مغربي مع سونا او بخار الحمام" ونتوا بكرامه" يكفي بعد ماتخلصون منه استخدمي غسول الجسم مع الترطيب من نفس الماركه مثل الي ثابته ريحتهم ولاتسمر الجسم هي باث اند بودي وركس 

4/ لاتنسون المساج لرجولكم لانكم راح تتعبون سوو لها بالجاكوزي الخاص بالرجول  مع ملح ذايب وبعدها استخدموا التقشير من بودي شوب والكريم المرطب من بوتس 

وثاني يووم هو اطلالتكم الجميلههه🌹🌹

انكم تسون شعركم استريت عادي والاطراف ويفي ذرب وحلو شكله مو اوفر 

والميك اب يكون بشكل ناعم حيل اذا المكان مكتوم استخدمي اشياء تثبته عشان م يبهذلج مع الحر ووالتعب 

ا

لاشياء الاساسيه فيه 

( فونديشن او بيبي كريم - باودر مضغوطه - اي لاينرز - مسكارا - بلاشر - روج ) 

ولاتنسين الخمريه تعطرين شعرج فيه والبخور حق عبايتج التخرج هالاشياء مهمه

وقبل لاتلبسين حطي ع جسمج من لكريم حق الشور عشان يثبت اكثر 

والشوز اذا جيتي تلبسينه رشي فيه بودر بيبي جونسون عشان وقت الحرر ماتعرق رجلج وبس👌

وبالختام الله يوفقكم بالتخرج ويحقق امانيكم ويسهل عليكم اخيباراتكم 

ومبرررررررررررررررررررررووووكككككككككككككككك لكل وحده تقرا البوست 

محلات الموسى للارضيات الخشبيه

السلام عليكم 

ادري طولتها عليكم بالتدوينات بس هالمرا جبت لكم

الشي الي يحبه قلبكم الي طلبتوه مني اني اتكلم عن انواع الباركيه

انا للامانه مو شاطره بشي الا الي اشوفه قدامي 

وافحصه مو اي شي يعجبني 

المهم وصلني هديه من محلات الموسئ

الي بالدمام والخبر انا اسمع عليه مدح من الناس عادي كأي مدح

ثاني بس يوم جربته فعلا عرفت الناس ليش منهبلين عليه

منها جودتهم ومنها اسعارهم المناسبه انا بعدد مااستدعوني

عندهم فالمحل انصدمت من شغلهم احسب بسس باركيه عندهم

ف قمت امشي واصور لكم عشان تشوفون معاي شغلهم

ونا امشي لقت درع فيه شكر وتقدير لهم من شغلهم المبدع

خلوني اوقولكم الي عندهم (ارضيات خشيه - سيراميك -جران خشبيه - احجار طبيعيه - خيزران - ابواب خشبيه - ألومنيوم)

انا اول مرا ادري في جدران خشبي اعترف بس يوم شفتها احسب انها ورق جدران بصراحه حبيته لانه شي غريب 

تعاملهم مع الزبون كان جدا راقي ماشاءالله 

وع فكره اذا عندكم اي استفسارات يردون ع الواتس 

الاخ/ محمد ابراهيم 

ت/0544375948

مسئول التسويق

والشي الجديد عندهم هو باركيه للاطفال محد سواها من قبل 

شكل محلهم من برا هو يجي بعد محلات النخبه و جمكو و فلنسيا هو ع خط السريع لدمام

 م يضيع

الدرع الي تكرموا عليه من فعاليات مهرجان الحدئق والنباتات

من احسن التعامل معاهم 

هنا الباركيه كلها الالمانيا من اجود الانواع مميزاته

مقام للحرق والخدش وضد الرطوبه والحشرات 

ضمان 15 سنه وسهل التركيب والفك 

هنا الباقي من الجهه الثانيا الاالوان الخشبيه عندهم اكثر من 40 لون للباركيه 

هذا باركيه الاطفال الي قلته لكم في بداية كلامي 

احس حتئ راح نفسيه للطقل 

باقي هنا انواع الابواب والباركيه والخيزران 

تدرون كانوا مشغغولين مع ارماكو لتركيب 400 شقه لهم 

تبارك الرحمن شي حلو 

هنا وقت عرضهم لي علئ اختياري للون بصراحه اتعبوا معاي

اعترف مافي شي يدخل مزاجي بسرعه فوق هذا م قصروا

بهالصوره اخر شي بالزاويه هو الجدار الخشبي للي ماتعرف شلون شكله 

للي حابه تجدد بيتها انصحهها بقوه تاخذ منهم وهي مغمضه 

هذي صورتين لغرفتي بعد التركيب الله يعطيهم الف عافيه م قصروا 

دقيقين في الموعد

هذي الصوره الثانيه يعطي كذا شكل هالشي حبيته فيه ومعطي مساحه كبيره بالنظر